പത്മഭൂഷൺ പുരസ്‍കാരത്തിനർഹനായ നടൻ മമ്മൂട്ടിയെ വസതിയിലെത്തി മേയർ അഡ്വ. വി കെ മിനിമോൾ, ഡെപ്യുട്ടി മേയർ ദീപക് ജോയ് എന്നിവർ അഭിനന്ദിക്കുന്നു.
കൊച്ചി: മേയർ അഡ്വ.വി കെ മിനിമോളും ഡെപ്യൂട്ടി മേയർ ദീപക് ജോയിയും നടൻ മമ്മൂട്ടിയെ വസതിയിലെത്തി സന്ദർശിച്ചു. പത്മഭൂഷൺ പുരസ്കാരം ലഭിച്ചതിൽ നഗരസഭയുടെ സന്തോഷവും അഭിനന്ദനവും മേയർ മമ്മൂട്ടിയെ അറിയിച്ചു. ഒരു മണിക്കൂറോളം നീണ്ട കൂടിക്കാഴ്ചയിൽ നഗരവികസനവും അൻപത് ദിന കർമ്മ പദ്ധതിയും ചർച്ചയായി. നഗരവാസികൾക്ക് ഒത്തുചേരുന്നതിനായി തുറസായ സ്‌ഥലം വേണമെന്നതുൾപ്പെടെ ക്രിയാത്മകമായ ഒട്ടേറെ നിർദേശങ്ങൾ മമ്മൂട്ടി പങ്ക് വച്ചു. അൻപത് ദിന കർമ്മ പദ്ധതിയെ കുറിച്ച് വിശദമായി മമ്മൂട്ടി ചോദിച്ചറിഞ്ഞു. വെള്ളക്കെട്ട് ഒഴിവാക്കുന്നതിനെ കുറിച്ചും അദ്ദേഹം നിർദേശങ്ങൾ പങ്ക് വച്ചു. നഗരസഭയുടെ പ്രവർത്തനങ്ങൾക്ക് എല്ലാ പിന്തുണയും മമ്മൂട്ടി വാഗ്ദാനം ചെയ്തു.
Photo Courtesy - Google
